قصيدة المكيااااج

يا صانع المكياج الله يجازيك
خليتني مخدوع في شكل خلي

الله يحرّق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصللي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي -قالت الله يحييك
وقالت هلا باللي عشق زين شكلي

وقالت أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خل غيرك يولي

ابغي اشوفك دون مكياج يكسيك
وابغى اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك وراويك
ذاك الجمال اللي لعينك يسلّي

ويوم رجعت لي شربكتني لشرابيك
وحسيت الأرض تدور وأنابمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

نصيحتي للكل من غيرتشكيك
لا لا تتسرع ثم تنغش مثلي

اللي بلا مكياج خلها حواليك
واللي تهب مكياج لازم تولي.

هههههههههههه
ابيات رووووووووعه
يسلمووووووو

الله يعطيك آلف عآفيه
ولاتحرميناا جديدك
وودي

» كيف تكتب قصيدة
» قصيدة مؤلمة جدا
» قصيدة عتاب
» قصيدة صوت صفير البلبل للأصمعي