يـا مرحبـا بالجـرح .. و الله يحيـيـه

طاح العتب .. ما هيـب لحيـة مشاريـه
خل الكلام .. و حبـل الأعـذار طـوّه

ما راح اقول أشلون .. او كيف .. او ليه ؟
تـرى السـؤال بـدون أجابـه مشـوّه

العذر مااات .. و مـات همـه و رااعيـه
و الجرح جف .. و جف غيمـه و نـوّه

صاحبك ضاع الهرج مـن بيـن أشافيـه
ما كنّـه اللـي كـان قبلـك .. مفـوّه

يجمع لـك مِـن الشعـر فاخـر معانيـه
و يمـوت عنـدك قبـل فيـه ايتـفـوّه

ليه أنصـدم ؟ و تخـون قلبـي هقاويـه
و يطيح نجمـي .. و أنخـذل فـي علـوّه

أصدق مع الواحد و احبـه .. و اثاريـه
طـوول الليـالـي معتبـرنـي عــدوّه

لا يـا بعدهـم .. و أول الغيـث تاليـه
و أنت اتعرف قلبي .. و خيـره و سـوّه

قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه

يصعب علـى الرجـال يثبـت مباديـه
و ان كانه اثبت .. كيـف يثبـت سمـوّه

الله يبيحـك عـن خطـاك و تمـاديـه
و يبيـح قلبـك عـن خطـاه و غلـوّه

ما دام حبك خالطه شـك .. مـا ابيـه
حب العتب و الشك .. ما اعيـش جـوّه

ما كنّي اللـي كـل مـا تلمـس ايديـه
يغمـرك بأحسـاس و حنـان الأبــوّه

و ما كني اللـي كـل مـا مـر طاريـه
ضج الفضـا باسمـه .. و عكـر هـدوّه

يـا مرحبـا بالجـرح .. و الله يحيـيـه
لا صـار مـن يمنـاك و الجـرح تـوّه

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه

الله كتب .. و القوس فـي كـف باريـه
و اللي تشوفه يا أبيض الوجـه .. سـوه

لــ عبدالله المطيري../ عبد الله المطيري

تسلم ياالملك على الابيات الحلوة

يسلموووو على الطرح الجميــــل
الملك ..
ويعطيــــك ألف عافيــــه ودائمـــاً مبدع وهذا ليس
بغريـــــب على ماتقدمه وتهمــــس به ..
كلمات تلامس الروح بروعتها وقريبه جداً من قلبي
ونقل موفق..

تقبل مروري //
لعيونك أروح أعدام

» حياة نبي الله محمد صلى الله عليه وسلم
» ** سبحان الله وبحمدهـ ,, سبحان الله العظيم ..
» فمان الله ولا تبكي
» يارسول الله
» عظم الله اجرك في قلب مغليك